இவ்விதமாக...

காட்சி ஒன்று விரிகிறது 
உதிர்ந்திருந்த மலரொன்றை
மிருதுவான விரல்களினால் சேகரித்து
மலராக இணைக்கிறது ஒரு குழந்தை
இந்த இதழ்கள் இந்தப் பூவினுடையதல்ல
என்று மென்மையாகத் திருத்துகிறாள் தாய்
இந்தப் பூ இந்த இதழ்களாலானதுதான்
என்று உறுதியாக மறுதலிக்கிறது அது 
திரையொன்று விழுகிறது 
பின்னால் அழுது கொண்டிருக்கிறாள் தாய்
சற்று முன் செய்த பூவைப் பறவையாக்கி விட்டு
முன்னால் ஓடிக் கொண்டிருக்கிறது குழந்தை