வெண்ணை கொண்ட கொங்கணவக்கொக்கு..

நடராஜநிலை நாரைபோல்
நட்சத்திர நிழற்போக்கில்
நயனங்கள் நகர்த்தியபடி
நிலைகொண்டிருக்கும் நிலா

இரண்டிற்குமான இணைப்பிடத்தில்
ஈர்ப்பியல்பில்லாதியங்கி
வழியெதுவும் வரையாது
விரைந்து கொண்டிருக்கும் விண்மீன்

தன்போக்கில் திரும்புகையில்
தன் தலைவன் தொலைந்ததெங்கே?

சுற்றிவளைத்துச் சொடுக்கும் வினா
சீற்றமிறுக்கிச் சிரித்தபடி நிலவைச்
சுற்றிச்செல்லும் சுடர் அடக்கிய
செம்மை சுடும் செல் விலகி..!