மண்ணிழந்து...

வேரறுந்த மரங்கள் நாம்..
















வேடர்கள் வேங்கைகளை..
வேட்டையாடி வென்றனராம்..
வேலினிற்கோ வில்லினிற்கோ..
வேறுபாடு தெரியலையாம்..

அம்புக்கு அது பற்றி..
அறிந்து கொள வழியேதாம்..
அக்கு வேறாய் ஆணி வேறாய்..
அங்கங்கே கிடக்கின்றோம்..

வேந்தர்கள் வெஞ்சினத்தால்..
வேரறுத்த மரங்கள் நாம்..
விடியலின் முன் பொழுதில்..
வானரங்கள் வசை பாடும்..

குதித்தோடி விளையாடி..
குந்தியிருந்து பேன் பார்த்து..
குதூகலித்த நாள் போச்சு..
குய்யோ.. முறையோ என்று..

ஐயோ போச்சென்று..
அரசரவை ஒன்று கூடி..
குறைப்பட்டு முடிவெடுப்பர்..
குரங்குகளின் குடியிருப்பு..

வீடு கட்ட மரமெல்லாம்..
கட்டைகளாய் அடுக்கி வைத்து..
அடுக்கடுக்காய் மரவீடு..
காடு வீடாய் மாறிவிடும்..

வேரிழந்த மண்..
மண்ணுக்குள் மண்ணாக..
மரமிழந்த வேர்..
மண்ணுடன் மண்ணாக..!

____________________