கனவுடன் மெய்ப்பாடும்....

___________________
ஆறறிவும் அஃறிணையும்...

ஆடையணிந்த ஆறறிவு..
ஐயறிவுயிரின் அம்மணத்தில்..
அமுங்கி விட்டதாகவே தோன்றுகிறது..!

ஐயறிவில் இயல்பான அன்பு..
ஆறில் விகாரமாவது..
வேற்றுமைப் புணர்ச்சியாலாம்..!

அன்பறிவித்தலை..
அன்பை.. பறித்து.. வித்தல்..
எனவும் கொள்வர்..
ஆறறிஞர்..!

அடச்சே என்பதல்ல..
அம்மணம்..
அடடே என்பதாகும்.. !

ஆடையற்றிருக்கும் மெய்..
அம்மணமன்று..!
மெய்யுற்றிருக்கும் மனமே..
அம்மணம்..!

____________________
உ(ய)யிரிலக்கணம்

அவள்.. அவன்.. அவர் உயர்திணை.. சரி..
அது.. அவை.. அஃறிணை சரி..
'அதுகள்' எவ்விதம் உயர்திணை..?
இல்லை அஃறிணை எனில்..
உனக்கென்ன அக்கறை..?!

கழுதைப்பால் கள்ளிப்பால்..
கறுப்பால் வெளுப்பால்..
பெண்பால் ஆண்பால்..
பிறப்பால் உழைப்பால்..
வேற்றுமை கண்டால்..
அவன்பால்.. இவன்பால்..
எவர்பால் இருப்பினும்..
அன்பால் பண்பால்..
பலவும் பாலின்பால்..
ஒற்றுமை கொண்டால்..
பாற்கடைகள்.. ஒன்றாகி..
பெயருமன்றி வினையுமன்றி..
பாலின் வெண்மைதனில்..
அடைமொழிகள் புணரும்கால்..
வரும்காலம்.. ஓருலகம்..
ஒரு கை பார்க்கலாம்..!

____________________