சமுதாயப் புழுக்கள்..

சமுதாயப் பூச்சுக்கேற்ப..
வண்ணமணிந்துறங்கும்..
பச்சோந்திகள்..

பட்டாம் பூச்சியின்..
இயற்கை வண்ணம்..
உறுத்துவதாக..
உளறிக் கொண்டிருக்கும்..
உலக்கைக் கொழுந்துகள்..

நயம் செய்வதாகச் சொல்லி..
சுயம் என்பதைக் கெடுத்து..
நலத்தைக் கடையில் வைத்து..
சுயநலத்தைச் சிரமேற்கொண்டு..
பொதுநலம் பேசித் திரியும்..
போதகர்களின் பேதகத்தால்..

வண்ணத்துப் பூச்சிகள் பல..
நிறத்தை உதிர்க்க முடிவெடுத்து..
சிறகிழந்து கம்பளிப் பூச்சிகளாய்..
மயிருமிழந்து புழுக்களாய்...
நெளிந்து கொண்டிருப்பது..
சமுதாயச் சிறப்பென்றும்..
சிறகுடனிருப்பது சீர்கேடென்றும்..

இன்னும் பற்பல சொற்கள்..
தோண்டிக் கொண்டிருக்கிறார்கள்..
புழுக்களைப் புதைத்து..
போன்சாய்ச் செடிகளுக்கு..
உரமிடலாமென்ற..
உயரிய நோக்குடன்.. !

___