உரைத்தேன்... உறைக்குமா...

முதல் இடுகையிலுள்ள இரண்டாவது கவிதை சில பல பேருக்கு புரியலைன்னு சொன்னதால.. புராணங்களுக்கு உரை எழுதின மாதிரி நாமே உரை எழுதிட்டோம்ல.. (அதுவும் புரியலன்னா கொன்னே போட்றுவேன். ஹிஹி..)..

இந்த இடுகைய.. வி-மு... வி-பி (விஸ்கிக்கு முன் , விஸ்கிக்கு பின்) என்று படித்தும் புரிஞ்சுக்காத 'அது சரி' விக்கிரமாதித்தனுக்கு டெடிகேட் பண்றேன்..


கழுதைப்பால் - மருந்து... கள்ளிப்பால் விஷம்.... பாலிலுள்ள இரு வேறுபட்ட தன்மைகள் புலப்படணும்னு இது சேர்க்கப்பட்டது..

கறுப்பால் வெளுப்பால்..
பெண்பால் ஆண்பால்..
கருமை.. வெண்மை.. ஆண்.. பெண் போன்ற வேற்றுமைகளும்..
பிறப்பால் உழைப்பால்..
வேற்றுமை கண்டால்..
பிறப்பால இவர் இந்தக் குடிப்பிறப்பை சேர்ந்தவர் என்றும்.. உழைப்பால இவர் இந்தக் குலத்தைச் சேர்ந்தவர் என்றும் முத்திரை குத்தி.. வேற்றுமை காணும் பட்சத்தில்..
அவன்பால்.. இவன்பால்..
எவர்பால் இருப்பினும்..
அன்பால் பண்பால்..
பலவும் பாலின்பால்..
ஒற்றுமை கொண்டால்..
அது யாராக இருப்பினும்... அன்பால.. எல்லாம் மனுஷன் என்ற பண்பால எல்லாம் ஒன்றென்ற ஞானம் கொண்டால்... பாற்கடைகள்.. அதாவது இறுதியில் எல்லாவற்றுக்கும் பொதுவாக இருக்கும் பால் ஒன்றாகி... பெயருமன்றி > பெயரை சொன்ன உடனேயே இவன் இக்குடிப் பிறப்பை சேர்ந்தவன் என்றில்லாது.. வினையுமன்றி < தொழில்.. இந்த தொழில் செய்பவன் என்றில்லாது... பாலின் வெண்மைதனில்.. << வெண்மை என்பதை தூய்மையான மனது எனக் கொள்க.. அடைமொழிகள்... கருமை.. வெண்மை... உயர்வு .. தாழ்வு போன்ற அடைமொழிகள்.. புணரும்கால்.. இங்கே அவைகள் திரிந்து புணரும்கால்.. அர்த்தமற்றவையாகி.. எதிர்காலம்.. இன.. மத.. ஜாதி பேதமற்ற ஓருலகம்... அதுக்கு ஒரு கை பார்க்கலாம்னு சொல்ல முற்பட்டது..

இதுக்கே இவ்ளோன்னா... ஸ்ஸப்பா.. இப்பவே கண்ணைக் கட்டுதே... "ஓருலகம்" தட்டாமாலையா கண் முன்னாடி சுத்துதே...

ஆ..! இதுக்கு என்ன முத்திரை (label) குத்துவது.. சரி.. இதையும் 'பொது'வில் வைப்போம்... :D

____